अपहरित सकुशल उद्धार
येँ / (सन्ध्या टाइम्स) अपहरण यानाः जवरजस्ती खाली भ्वँतय् हस्ताक्षर याकाच्वंगु इलय् थनया सतुंगलं छम्हेसित प्रहरीं अपहरण मुक्त याःगु दु । सतुङ्गलया पिपलबोटय् च्वनिम्ह कृष्णप्रसाद उप्रेतीयात प्रहरीं सकुशल उद्धार याःगु खः ।
उप्रेतीयात उगु हे थासय् च्वनिम्ह हिरा प्रधानं अपहरण यानाः थःगृु छेँय् यंकाः खाली भ्वँतय् हस्ताक्षर यायेगु निंतिं दायातःगु अवस्थाय् असार ९ गते बहनी १० बजे प्रहरीं हस्ताक्षर याकेत तयार यानातःगु भ्वँ सहित ज्वंगु खँ प्रहरीं धाःगु दु ।
अपहरण याना यंकूम्ह प्रधान फरार जुयाच्वंगु दुसा वयात मालेगु ज्या जुयाच्वंगु खँ प्रहरीं धाःगु दु ।
