लः मदयाः राजधानीइ विरामी अप्वल
येँ / (सन्ध्या टाइम्स) स्वनिगलय् लःया अभावं आपालं मनूत विरामी जुयाच्वंगु खँ चिकित्सकतय्सं धाःगु दु । स्वस्थ्य जुइत सामान्य मनुखं न्हिं न्यागू लिटर लः त्वनेमाःगुली लः मदयाः स्वनिगःया वासिन्दातय्सं म्हो जक लः त्वनेगु यानाच्वंगुलिं विरामी अप्वया वनाच्वंगु खँ धाःगु दु ।
चिकित्सकतय् कथं माक्व लः मत्वन धाःसा छ्यों स्याइगु कब्जियत जुइगु मुर्छा जुइगु जन्डिस व टाइफाइड थेंज्याःगु ल्वचं कइगु सम्भावना अप्वः दु । अस्पतालय् वयाच्वंपिं विरामीतय् अध्ययनं थ्व खँ सीदुगु खँ त्रिवि शिक्षण अस्पतालया डा. अभिनव शाहं कनादीगु दु । लःया मात्रा म्हो जुयाः अप्वः धयाथें मनूत अस्पताल वयेगु यानाच्वंगु खँ चिकित्सकतय्सं धाःगु दु ।
