थुगुसी खाद्यान्नय् दकलय् उच्च मूल्यवृद्धि
येँ / (सन्ध्या टाइम्स) सरकारं आःया बजाः भाः ११ दशमलवं थहां वंगु धाःसां बजारय् खाद्यान्नया भाः थगुने स्वयां शतप्रतिशतं थहां वंगु दु ।
दैनिक उपभोग्य जाकि चि चिकं मसला केँ तरकारी सिसाबुसा छुचुं घ्यः लगायतया ज्लंत थगुनेया बजाः भाः स्वयां उच्च रुपं थहां वंगु दु ।
अप्वः उपभोक्तातय्सं उपभोग याना वयाच्वंगु मन्सुली जाकी थगुने तक २६/- तकां मियाच्वंगु खःसा थुगुसी ६४ दशमलव ४९ प्रतिशतं थहां वंगु दु । अथे हे मसिनो चामलय् ५७ प्रतिशत भाः थहां वंगु दु ।
लिसें थगुने ७०/- तकां मियाच्वंगु रहर व माय् केँ नं बजाः भाः थहां वनाः थुगुसी प्रति किलो सछि तका थ्यंगु दु ।
लाया भावय् नं थगुनेया तुलनाय् २२ प्रतिशतं बजाः थहां वंगु दु । म्येय्या ला जक ७२ प्रतिशतं भाः थहां वंगु दु ।
