रामपुर क्याम्पसय् नेपालभाषा व लिपि कक्षा
येँ / (सन्ध्या टाइम्स) कृषि विकास अनुसन्धान संस्था रामपुर क्याम्पस चितवनय् ब्वनीपिं नेवाः विद्यार्थीतय् संगठन झी नेवाः पुचःया ग्वसालय् लछियंकंया नेपालभाषा व नेपाल लिपि कक्षा न्ह्यात । झी नेवाः पुचःया नायः विपेश श्रेष्ठया सभापतित्वय् जूगु लिपि व भाषा कक्षा उलेज्या कलेजया डीन प्रा. डा. शान्तमान शाक्यं यानादीगु खः ।
स्वीम्ह विद्यार्थीतय्सं ब्वति कयाच्वंगु उगु उलेज्या ज्याझ्वलय् प्रा. बद्रीबहादुर डंगोल, डा. धर्म डंगोल, डा. माधव श्रेष्ठ, डा. भगवानदास मानन्धरिपंसं नेपालभाषा व लिपि संरक्षणया महत्व कुलादिल । प्रा. डा. शान्तमान शाक्य, प्रा. डा. सुन्दरमान श्रेष्ठ लगायतया वक्तातय्सं नं सृजनशील ज्या याःगुलिं नेवाः विद्यार्थीतय्गु प्रशंसा यानादिल । ज्याझ्वलय् भाषाविद्तय्त नं सःताः सुझाव कायेगु ग्वसाः दयेकातःगु दु ।
