पर्यटकीय नगरी ख्वपय् फोहरया द्वँचिन
ख्वप / (सन्ध्या टाइम्स) ख्वपया नांजाःगु न्यातपौ देगलं अथेहे सछिगू मिटर ति जक कुहां वनेवं फोहर मुंकेगु थाय् हनुमन्ते खुसी दु । अन नगरपालिकां फोहर बस्तुं साः दयेकेगु यानाच्वंसां उद्देश्य कथं कर्मचारीत खटे यानातःगु मदु । उगु थासय् दँदं न्ह्यःनिसें फोहर वानाच्वंगुलिं याना स्थानीय जनताया स्वास्थ्य् नकारात्मक लिच्वः लानाच्वंगु दु । फोहर वायेत दयेकातःगु कम्पाउण्डय् दनातःगु पःखाः स्थानीयबासीं थुनाबिउगु दु । थथे वांछ्वयातःगु बस्तु उगु थासय् नगरपालिकां मुंकूगुलिं द्वलंद्वः मनूत प्रभावित जुयाच्वंगु दु । नापं थुकिं यानाः दँय् छगूत्या लाख पर्यटकत नं म्हो जुजुं वनाच्वंगु दु । अथेहे सिद्धि स्मृति बाल तथा महिला अस्पतालय् वासः यायेत वईपं विरामीत तकं फोहोरं पिहां वइगु दुषित फय्या कारणं ल्वय् झन जक तच्वइगु सम्भावना खने दयाच्वंगु दु ।
थुगु लागा थीथी कलेज व स्कुलय् वनीपिं विद्यार्थीत वने वये यानाच्वनीगु लागा खः । वाइजल्याण्ड इँग्लिस सेकेण्डरी स्कुल प्रािक्समा इन्टरनेशनल सेकेण्डरी स्कुल बिद्या बिकास माबि काठमाण्डौं विश्वविद्यालय संगीत विभाग ख्वप कलेज पद्म उमाबि आदिइ स्कूलय् ब्वनीपिं बिद्यार्थीत थनया प्रदुषित वातावरण स्वया वनेत बाध्य जुयाच्वंगु दु ।
-रविन राचलिका हरीत समूह ख्वप ।
