कांग्रेस पाखें कार्यदल गठन

नेपाली कांग्रेसं संविधान सभाय् विषयगत समितितय्त ग्वाहालि यायेत छगू कार्यदल गठन याःगु दु । संसदीय दलया नेता रामचन्द्र पौडेलया संयोजकत्वय् उगु कार्यदल गठन याःगु खः ।

शुक्रवाः च्वंगु कांग्रेस संसदीय दलया बैठकं उगु कार्यदल गठन याःगु खः । पौडेलया नेतृत्वय् गठित कार्यदलय् उपनेता प्रकाशमान सिंह, महामन्त्री केबी गुरुङ, विमलेन्द्र निधि व नरहरि आचार्य दुथ्याःगु दु । कार्यदलं विषयगत समितित व सम्बन्धित क्षेत्रया विज्ञतनाप सहलह यानाः पार्टीया ठोस धारणा संविधानसभाय् प्रस्तुत याइगु जूगु दु ।

अथेहे थौंया बैठकय् संविधान निमार्णय् पार्टीया दक्वं ध्यान केन्द्रीत यायेगु बारे नं सहलह जूगु खः । नापं बैठकय् आगामी बजेतय् गरिब किसान व सिमान्तकृत समुदायया निंतिं राहत उपलब्ध यायेत सरकारनाप माग यायेगु निर्णय नं याःगु खः ।