टीकापुरय् मचा अपहरणय्

येँय् ख्याती श्रेष्ठया अपहरण काण्ड ख्वाउँसे मच्वनेवं कैलालीया टीकापुरय् थौं छम्ह मचा अपहरणय् लाःगु दु ।

टिकापुरस्थित गणेशबाबा बोर्डिङ स्कुलं शुभनाथ राणा नांया मचा अपहरणय् लाःगु खः । टीकापुरया सिं व्यापारी तेजप्रताप राणाया खुदँया काय् शुभनाथ राणायात थौं सुथय् गुताः त्याः इलय् विद्यालयसं 'अभिभावक खः' धासें मोटरसाइकलय् वःपिं निम्ह व्यक्तिं अपहरण याःगु खः ।
निम्हसिनं मोटरसाइकलय् तयाः दक्षिणपाखे यंकूगु प्रत्यक्षदर्शीतय्सं धाःगु दु । मचायात मालेगु ज्या तिव्ररुपं जुयाच्वंगु ईलाका प्रहरी ज्याकू टीकापुरं जानकारी ब्युगु दु ।