संविधानसभाया मस्यौदाय् सहलह
सांस्कृतिक व सामाजिक ऐक्यबद्धता आधार निर्धारण समितिं तयार याःगु न्हूगु संविधान सम्बन्धी मस्यौदाय् सहलह यायेत थौं संविधानसभाया बैठक च्वंगु दु ।
सोमबाः समितिया सभापति नवोदिता चौधरीं उगु मस्यौदा संविधानसभाय् न्ह्यब्वःगु खसा: सभाध्यक्ष सुवासचन्द्र नेम्वाङलं उगु मस्यौदाय् १४, १७ व १८ गतेतक सहलहया निंतिं ई क्वःछ्यूगुकथं थौं नं बैठक च्वंगु खः ।
बैठकय् सभासदतय्सं न्हूगु संविधानय् दक्वं भाय् व जातजातितय् सम्मान जुइमाःगु बीचाः प्वंकूगु दु । अथेहे
बैठकय् मस्यौदाय् भाय् सम्बन्धी व्यवस्थाय् एकीकृत नेकपा (माओवादी) व मधेसवादी दलतय्सं ब्यागलं ब्यागलं असहमतिया प्वंकूगु दु । माओवादीं सशस्त्र युद्धया पलेसा जनयुद्ध शब्द तयेमाःगु अडान तःगु दुसा मधेसवादी दलतय्सं हिन्दी भाय्यात नं सरकारी कामकाजया भाषा दयेकेमाःगु माग तःगु दु ।
संविधानसभा भवन न्हू बानेश्वरय् न्ह्याःगु बैठक सनिलया थ्यंमथ्यं न्ह्यताः इलय् क्वचाःगु सभासद लक्ष्मण जोशीं जानकारी बियादीगु दु ।
