माओवादीयात नं सरकारय् दुथ्याका: न्हूगु संविधान निर्माण यायेमाः : राष्ट्रपति

एकिकृत नेकपा (माओवादीं) राष्ट्रपति डा. रामवरण यादवं असंवैधानिक पला: न्ह्याकूगु धासें कडा आलोचना यानाच्वंगु इलय् राष्ट्रपति यादवं माओवादीयात नं सरकारय् दुथ्याका: न्हूगु संविधान निर्माण यायेमाःगु खँ धयादीगु दु ।

बिहिवा: सुथय् राष्ट्रपतियात नापलायेत शीतल निवास थ्यंकूपिं एशियाली दलतय्गु संगठन 'आइक्याप'या दुजःतलिसेया नापलाये झ्वलय् राष्ट्रपति यादवं उगु बिचाः तयादीगु खः । राष्ट्रपति यादवं आइक्यापया दुजः राष्ट्रया प्रतिनिधितलिसे एशियाली मुलुकय् अप्वयावंगु हिंसाया अन्त्यया निंतिं ग्वाहालि यायेत नं इनाप यानादीगु खँ राष्ट्रपतिया सल्लाहकार ललितबहादुर बस्नेतं जानकारी बियादीगु दु ।