माओवादी पोलिटव्युरो बैठक जारी
छवाः न्ह्यःनिसें न्ह्यानाच्वंगु एकिकृत नेकपा (माओवादी)या पोलिटव्युरो वैठकय् थौं नं नायः प्रचण्डया प्रतिवेदनय् सहलह जूगु दु । बैठकय् संयुक्त क्रान्तीकारी सरकार, राष्ट्रिय सरकार वा संयुक्त राष्ट्रिय सरकारया विषयस वःगु नेतातय्सं प्वंकूगु धारणा यात कया: गम्भिरतापूर्वक बहस जूगु माओवादी पोलिटव्युरो दुजः धर्मेन्द्र वाँस्तोलां जानकारी बियादीगु दु ।
बिहिवा:या बैठकय् न्याम्ह पोलिटब्युरो दुजःतय्सं थःथःगु बिचाः तःगु दु । थौं हीतमान शाक्य, पम्फा भुषाल, हरिभक्त कँडेल, जनार्दन शर्मा व लोकेन्द्र विष्टं थःथःगु धारणा तयादीगु खः । देय्या संक्रमणकालीन अवस्था गंभीर मोडय् थ्यंगु व क्रान्ती-प्रतिक्रान्ती दथुइ निर्णायक लडाइया ई वःगु निष्कर्षय् थ्यंगु माओवादीं राष्ट्रियताया विषययात नं थःगु प्रमुख मुद्दा दयेकूगु दु । कोटेश्वरया पेरिस डाँडास्थित माओवादी जनवर्गीय संगठनया ज्याकुथिइ च्वंगु बैठकय् थौंतक नीछम्ह पोलिटब्युरो दुजःतय्सं थःथःगु धारणात तःगु खः ।
