न्याक्वःगु खुसी मन्त्रीमण्डल विस्तार

किस्ताबन्दीइ गठबन्धन सरकारया मन्त्रीमण्डल विस्तार यायेगु झ्वलय् थौं न्याक्वःगु खुसी तराई-मधेश लोकतान्त्रिक पार्टीया निम्ह नेतातय्त मन्त्रीपरिषदया दुजःकथं शपथ ग्रहण याकूगु दु ।

थौं प्रधानमन्त्री माधवकुमार नेपालं तमलोपा पाखें उद्योग मन्त्रीइ महेन्द्र राय यादव व उद्योग राज्यमन्त्रीइ दानवहादुर चौधरीयात राष्ट्रपतिया उपस्थितिइ सपथ ग्रहण याकादीगु खः ।

म्हिगः उद्योगमन्त्री व उद्योग राज्यमन्त्रि निम्हसिया साइत चूमलाःगुलिं सपथ मकासे थौं तिनी सपथ काःगु ख: । थः प्रधानमन्त्री जूगु लच्छिलिपा माधवकुमार नेपालं म्हिगः प्यक्वःगु खुसिइ मन्त्रिपरिषद बिस्तार याःगु खः । थौंया सपथलिपा मन्त्रीमण्डलया ल्या न्याक्व: थ्यंगु दु ।