संसद अवरोधया कारणं संविधान निर्माणय् लिच्वः लाकी : प्रधानमन्त्री
प्रधानमन्त्री माधवकुमार नेपालं संसद अवरोध यायेगु ज्यां संविधान निर्माणय् लिच्वः लाकीगु खँ धयादीगु दु । वयेकलं सदनय् जारी अन्यौलं संविधान निर्माण्य् प्रतिकुल स्थिति सिर्जना जूगु धासें थुकीया जिम्मेवारी माओवादीं कायेमाः धयादिल ।
बिहिवाः पत्रकार सुरक्षाया रक्षा व प्रेस स्वतन्त्रताया माग यासें प्रधानमन्त्रीयात नापलायेत वंपिं नेपाल प्रत्रकार महासंघया पुचः नाप खँल्हाबंला यासें प्रधानमन्त्री नेपालं माओवादीयात जिम्मेवार जुया अवरुद्ध संसद चायेकेत इनाप यानादिल ।
वयेकलं सीमा सुरक्षा, शान्ति व्यवस्था लगायत विषयस सदनय् सहलह यायेमाःगु खसां थंज्याःगु ईलय् सदन अवरुद्ध जुयाच्वंगु तसकं दुर्भाग्यपूर्ण जूगु धासें जनतां थूकिया दोष दक्वं माओवादीयात बीगु धयादिल । अथेहे वयेकलं संविधान निर्माण यायेगु ज्या याकनं क्वचायेकेत दलत दथुइ सहकार्य व सहमतिया विकल्प मदुगु धयादिल ।
प्रधानमन्त्री नेपालं पत्रकार लगायत दक्वं नागरिकतय् हत्या व छुं नं कथंया अपराधीक घटनाय् संलग्न अपराधीतय्त कानुनया दायराय् हयाः कडा कारवाही यायेगु आश्वासन बियादिल ।
