तराई आर्मीया केन्द्रीय उपाध्यक्षयात ज्वन

तराईया सक्रिया सशसत्र पुचः तराई आर्मीया केन्द्रीय उपाध्यक्ष मिस्टर शहन्साह धकाः म्हस्युम्ह भैरब यादवयात बिहिवाः सशस्त्र प्रहरीं ल्वाभ सहित ज्वंगु दु ।

सर्लाहीया घटौल गाविस ७य् च्वंगु छखाः छेँय् च्वनाच्वंगु ईलय् प्रहरीं घेराबन्दी यानाः च्वंगु खः । यादव नापं पृथ्वी पुचः सर्लाहीया इन्चार्ज वीरेन्द्र यादवयात नं ज्वंगु खः । स्थानीय छम्ह ठेकदार नाप चन्दा फ्वं वःगु सुचंया आधारय् प्रहरीं बहनी हे घेराबन्दी यानाः सुथय् प्यताः ईलय् यादव व वयाः ग्वहालिमियात ज्वंगु खः । यादव पाखें छपू कटुवा पेस्तोल व गोली नं बरामद याःगु दु ।

यादव थीथी थासय् बम बिष्फोटया घटनाय् संलग्न जूगु व सर्लाही व रौतहटय् आतंक ब्वलंके ज्याय् संलग्न जूगु खँ सर्लाहीया सशस्त्र प्रहरी उपरीक्ष चन्द्रप्रकाश गौतमं धयादीगु दु ।