संसदीय समितिया अध्यक्षय् नेकांया दावी
येँ / (सन्ध्या टाइम्स) नेपाली कांग्रेस संसदीय दलया बैठक थौं नं च्वन । बैठकय् संसदीय दलया उपनेता ल्ययेगु सचेतक व उपसचेतक ल्ययेगु लिसें संसदय् कांग्रेसं म्हितेमाःगु भूमिका बारे नं सहलह जुइगु खँ धाःगु दु । कांग्रेस संसदीय दलया उपनेताय् उपसभापति प्रकाशमान सिंहयात हयेगु तयारी यानाच्वंगु खँ धाःगु दु । अथे हे बैठकय् संविधानसभाया संवैधानिक समितिया अध्यक्ष कांग्रेसं कायेगु बारे नं सहलह जुइगु खँ धाःगु दु । उगु समितिया अध्यक्ष माधव नेपालं राजीनामा बीवं आः कांग्रेसं अध्यक्ष पद थःपिंत माः धकाः दाबी यानाच्वंगु दु । बैठकय् संसदीय समितिइ मनोनयन यायेमानिपिं झिम्ह दुजःतय् बारे नं निर्णय जुइफुगु खँ धाःगु दु ।
