थौं प्यक्वःगु मन्त्रिमण्डल विस्तार
येँ / (सन्ध्या टाइम्स) प्रधानमन्त्री माधव नेपालं थौं प्यक्वःगुखुसी मन्त्रिमण्डल विस्तार याइगु जूगु दु ।
थौं मधेशी जनअधिकार फोरम व तराई मधेश लोकतान्त्रिक पार्टीं थःपिनि मन्त्रीतय् नां छ्वया हयेवं प्रधानमन्त्री नेपालं थौं प्यक्वःगुखुसी मन्त्रिमण्डल विस्तार यायेत्यंगु खः । फोरमपाखें शरतिसंह भण्डारी व मृगेन्द्र कुमार सिंहपिनि नां छ्वःगु दुसा तमलोपां महेन्द्र यादवया नेतृत्वय् रामकुमार शर्मा व दानबहादुर चौधरीया नां छ्वयाहःगु दु ।
भण्डारीयात पर्यटन मन्त्री व सिंहयात कृषि मन्त्री दयेकीगु जूगु दु । अथे हे तमलोपां छ्वया हःपिं राययात शिक्षा शर्मायात युवा तथा खेलकूद व चौधरीयात उद्योग मन्त्रालय बीगु जूगु दु ।
फोरमया भागय् लाःगु महिला बालबालिका व समाज कल्याण मन्त्री आःयात उपप्रधानमन्त्री व फोरमया संसदीय दलया नेता विजयकुमार गच्छ- दारं हे कःघाइगु जूगु दु ।
फोरमया मेपिनि मन्त्रीतय् नां धाःसा अझं तयार याये मफुनिसा तमलोपा नं थःपिनि पूरा नां तयार याये फयाच्वंगु मदुनि ।
