रिकभरिड्ड युथ ग्रुपपाखें सचेतना
येँ / (सन्ध्या टाइम्स) रिकभिरड्ड यूथ ग्रुपपाखें एचआईभी एड्स व लागू पदार्थया दुव्र्यसनीतय् निंतिं चेतनामुलक ज्याझ्वः वंगु शनिवाः थनया मरुध्वाखाय् यात । लागू पदार्थ व एचआईभी सम्बन्धी जनचेतना थनेगु निंतिं पुचःपाखें उगु ज्याझ्वःया ग्वसाः ग्वःगु खः ।
ताः इलंनिसें लागू पदार्थ दुव्र्यसनीइ लगे जुइधुंकाःलि थःपिं हे सुधार जूपिंसं स्वंगु उगु रिकभिरड्ड ग्रुपपाखें न्हूपिं ल्याय्म्हत दुव्र्यसनीइ मलायेमा धकाः उगु ज्याझ्वः ग्वसाः ग्वःगु खः ।
ज्याझ्वःया उलेज्या यायेगु झ्वलय् सभासद् नविन्द्रराज जोशीं संविधानसभाय् लागू पदार्थ दुव्र्यसनीतय् निंतिं सरकारं दयेकेमाःगु नीतियात कयाः थम्हं सः तयेगु खँ कनादीगु खः ।
ज्याझ्वलय् संस्थाया उपाध्यक्ष राजेश अग्रवाल व दक्ष महिला समाजया अध्यक्ष विजयलक्ष्मी शाहीपिंसं एचआईभी एड्स जूपिं मजूपिं व लागू पदार्थया दुव्र्यसनीइ लगे जुइगु शुरु याःपिंत पुनस्र्थापना यायेगु निंतं भेदभाव व लााछनापाखें बचे यानाः ग्वाहालि यायेमाःगु बिचाः प्वंकादिल । ज्याझ्वलय् लागू पदार्थपाखें जुइगु थीथी हानी नोक्सानीया विषययात कयाः पर्चा इनेगुनिसें स्थानीय ल्याय्म्हतय्त नं दुव्यस्रनी बारे ध्वाथुइकेगु ज्या जूगु खः ।
पुचलं थीथी इलय् जनचेतना थनेगु ज्याझ्वःत याना वयाच्वंगु दुसा आः याकनं हे मेगु ज्याझ्वः पित बीगु कुतः नं पुचलं यानाच्वंगु दु ।
