तःपुखूया न्या खुयाच्वंम्ह सेनायात ज्वन

ख्वप / (सन्ध्या टाइम्स) ख्वपया नांजाःगु तःपुखुली ख्वप नगरपालिकां लहिनातःपिं न्या खुयाच्वंपिं स्थानीय शेरलाइन ब्यारेकया सैनिकयात ख्वप नगरपालिकाया कर्मचारीतय्सं क्वाःक्वाः ज्वंगु दु । महानगरीय प्रहरी गस्ती वनाः वयात ज्वंकूगु खः । दीपेन्द्र नांयाम्ह उम्ह सैनिक जवानं थ्वयां न्ह्यः नं न्या खुयाच्वंगु खनेवं प्रहरयात खबर यानाः वंगु असार ४ गते कुन्हु उकथं चान्हय् ज्वंकूगु खँ प्रत्यक्षदर्शीतय्सं धाःगु दु । आन्तरिक पर्यटनया लागिं नगरपालिकां न्या लहिना पुखूयात आकर्षक याःगु खः । सेनां हे न्या खुयाः नल धइगु हल्ला जुइवं उम्ह सेनायात छु यायेगु धइगु अन्यौल जुयाच्वंगु खँ नं महानगरीय प्रहरी गस्तीपाखें नगरपालिकाया कर्मचारीतय्त धयाच्वंगु दु । अन झिंप्यदँ न्ह्यवंनिसें ख्वप नगरपालिकां न्या लहिनातःगु खः ।