ल्हाना तयेधुंकूगु तुंथि म्हुइगु शुरु

ख्वप / (सन्ध्या टाइम्स) त्वनेगु लःया अभाव अप्वया वनेवं ख्वपय् ल्हानाछ्वयेधुंकूगु तुंथियात हाकनं म्हुइगु ज्या न्ह्याकूगु दु । ख्वपया लाय्कूया बालाखु गणेद्यःया न्ह्यःने च्वंगु परम्परागत तुंयात स्थानीय जनतां हाकनं म्हूगु खः । अथे हे ख्वपया दत्तात्रय दुवातय् च्वंगु तग्वः तुंथियात व्यवस्थित याःगु दु ।

उखे १ वडाया तला तुंथिइ अप्पां भुनाः फि थहां मवइगु यानाः ल्वहंतं सीगु ज्या याःगु खः ।

ताः ई तक सुख्खा जूगुलिं थुगुसी लः वयेगु दिउगु भिंद्यः हितिइ सोमवाः तसकं वा वःगु इलय् निकास दुहां वनाः बुलुगु लः भय्भय् बिना वयाः छझाः हितिगाः हे पुखू जूगु खः ।