सतक निर्माणया निंतिं जापानपाखें थप ग्वाहालि
येँ / (सन्ध्या टाइम्स) वीपी राजमार्ग अन्तर्गत सिन्धुली खुर्कोट खण्डया सतक दयेकेत जापानं ३ गू अर्ब ४८ गू करोड ३७ गू लख बराबरया थप ग्वाहालि बीगु जूगु दु ।
थुगु ग्वाहालि यात कयाः अर्थ सचिव व नेपाःया निंतिं जापानया राजदूत तुसाओ मिजुनों सहमतिइ पती ल्हाःचिं तयादीगु दु ।
थ्व हे झ्वलय् मन्त्रालयया वैदेशिक सहयोग महाशाखाया सहसचिव व जापान सहयोग नियोग जाइकाया नेपाःया निंतिं आवासीय प्रमुख नोरिआकि नीइवां उगु सतक खण्ड सम्बन्धी अनुदान पती हस्ताक्षर यानादीगु दु ।
सहमति कथं उगु खण्डया ३७ गू किलोमिटरया सतक निर्माणया निंतिं माःगु ज्वलंत न्यायेत उगु अनुदान छ्यलीगु जूगु दु ।
सन् १९९६ य् निर्माण शुरु जूगु उगु सतक खण्डया वनेपा-सिन्धुलीया १६० किलोमिटर निर्माणया निंतिं नं शुरुंनिसें हे जापानं ग्वाहालि याना वयाच्वंगु खः ।
