अनमिनया म्याद तनीगु

बुधवाः च्वंगु मन्त्रिपरिषदया बैठकं अनमिनया म्याद तनीगु सैद्धान्तिक सहमति प्वंकूगु दु ।

सूचना व संचारमन्त्री नापं सरकारया प्रवक्ता शंकर पोखरेलया कथं अनमिनया म्याद तनीगु सैद्धान्तिक सहमति जुसां गुलिया निंतिं तनीगु धासाः क्वछीउगु मदुनी । प्रवक्ता पोखरेलया कथं अनमिन व मेमेगु राजनीति दलत नापया सहलह लिपाः म्याद तनीगु खँ धयादिल ।

अथेहे बैठकं अर्थमन्त्रालयाया वरिष्ठ सल्लाहकारय् केशवप्रसाद आचार्ययात नियुक्त याःगु दु । नापं बैठकं क्यानडा कुवेत, ब्राजिल व दक्षिण अफ्रिकाय् राजदूतावास चायेकीगु निर्णय याःगु दु ।

अथेहे थौं च्वंगु मन्त्रिपरिषदया बैठकं वंगु वैशाष १० गते रामेछापय् मीच्यानाः सिपिं झिंस्वम्ह नेपाली सेनाया जवनतय् उच्च सम्मान यासें सिपिंनि छेँजःयात झिगू लाख बीगु निर्णय याःगु दु ।