मन्त्रिपरिषद विस्तार, खुम्ह मन्त्रीत पाखें सपथ ग्रहण
नेकपा (एमाले)या वरिष्ठ नेता माधवकुमार नेपाल प्रधानमन्त्री नियुक्त जुइधुंकाः थौं मन्त्रिपरिषद प्यक्वःगु खुशी विस्तार जूगु दु ।
बुधवाःया मन्त्रिपरिषद विस्तारय् न्याम्ह मन्त्रीत व छम्ह राज्यमन्त्री नियुक्त याःगु दु । थौं प्रधानमन्त्री माधवकुमार नेपालं मधेशी जनअधिकार फोरम (गच्छदार पक्षया) निम्ह, तराई-मधेश लोकतान्त्रिक पार्टीया निम्ह व राष्ट्रिय प्रजातन्त्र पार्टीया छम्ह मन्त्री नापं नेकपा (माले)या छम्ह राज्यमन्त्रीयात राष्ट्रपतिया उपस्थितिइ सपथ ग्रहण याकादीगु खः ।
फोरम पाखें शतदिसंह भण्डारीया पर्यटन व मृगेन्द्रिसंह यादवयात कृषि मन्त्रालयया जिम्मेवारी ब्यूगु दु । अथेहे तमलोपाया पाखें गणेश नेपालीयात युवा तथा खेलकुद व रामचन्द्र कुशवाहया शिक्षामन्त्रालयया जिम्मेवारी ब्यूगु दु । तमलोपां म्हिग प्यम्ह मन्त्रीतय् नां सिफारिस यासां थौं निम्ह जक मन्त्रीतय्सं सपथ ग्रहण याःगु खः ।
थौंहे राप्रपाया दिपक बोहराया वनमन्त्रीया जिम्मेवारी ब्यूगु दुसाः मालेया मानबहादुर शाहीयात भूमिसुधार राज्यमन्त्रीया जिम्मेवारी ब्यूगु दु ।
