फोरमया स‌ंसदीय दलया नेताय् यादव निर्विरोध

मधेशी जनअधिकार फोरम (यादव पक्ष)या अध्यक्ष उपेन्द्र यादव संसदीय दलया नेताय् निर्विरोध रुपं चयन जुयादीगु दु ।

संसदय् नीछम्ह सभासद्त जक दुगु फोरम यदव पक्षया बुधवाः जूगु संसदीय दलया निर्वाचनय् यादव निर्विरोध जुयादीगु खः । निर्वाचनय् अध्यक्ष यादव छम्हेसिया जक निवेदन दर्ता जुइवं वयेक निर्विरोध जुयादीगु खः ।

फोरम अध्यक्ष यादवं संसदीय दलया नेता जुयाच्वंम्ह विजयकुमार गच्छदार लगायत नेतातय्त पार्टीं कारवाही यायेवं संसदीय दलया नेताया पद खाली जुयाच्वंगु खः । संसदय् न्यय्स्वम्ह सभासद्त दुगु फोरम विभाजन लिपा यादवया पक्षय् नीछम्ह सभासद्त दुसाः गच्छदारया पक्षय् स्वीनिम्ह सभासद्त दु ।

संसदीय दलया नेताय् निर्वाचित जुइधुंका नेता यादवं संसदय् प्रतिपक्षय् च्वनाः संविधान निर्माण यायेगु ज्याय् फोरम‌ महत्वपूर्ण भूमिका म्हितीगु धयादिल ।