प्रधानसेनापतियात चीकेफइ : पोखरेल
नेकपा (एमाले)या महासचिव इश्वर पोखरेलं राजनीतिक सहमति जुसाः प्रधानसेनापतियात चीकेफइगु खँ धयदीगु दु ।
प्रेस चौतरी नेपालं बुधवाः माढीइ याःगु पत्रकार सम्मेलनय् महासचिव पाखरेलं राजनीतिक सहमति जुसाः म्याद तने न्ह्यः हे प्रधानसेनापति रुक्मांग कटवालयात चीकेफइगु खँ धयादीगु दु । वयेकलं नेपाली सेनाया परिचालन व नियन्त्रन नं राजनीतिक सहमतिया हे आधारय् जुइगु जूगुलिं प्रधानसेनापतियात चीकेगु वा कायम यायेगु धइगु खँ सहमतिया लिधंसाय् यायेफइगु धयादिल ।
महासचिव पोखरेलं माओवादी सरकारं एकल निर्णय यानाः सर्वसत्तावाद लादे यायेत स्वःगुलिं जक प्रधानसेनापतियात चीकेत थाकूगु धयादिल । वयेकलं माओवादी नाप अग्रगमनया निंतिं सहकार्य, अतिवादया खण्डन व अराजक व अपराधिक कृयाकलापयात प्रतिवाद यायेगु नीति ज्वना एमाले न्ह्यावनाच्वंगु धयादिल । माओवादीं अझ नं हिंसात्मक गतिविधि न्ह्याकाः हे च्वंगु धासें माओवादीया ज्या व धापू पाःगु द्वपं बियादिल ।
