अमेरिकाय् 'भिंतुना'

येँ / (सन्ध्या टाइम्स) नेपालभाषाया लोकंह्वाःगु फिल्म 'भिंतुना' आः अमेरिकाय् क्यनीगु जूगु दु । अमेरिकाय् च्वंपिं नेवाःतय्सं स्वना तःगु नेवाः अर्गनाइजेशन अफ अमेरिकाया ग्वसालय् थ्वहे वइगु सेप्टेम्बर १३ कुन्हु उगु फिल्म क्यनेगु ताः तयातःगु दु । वाशिंगटनया सिनेमा आर्ट थेटरय् थ्व फिल्म क्यनेत्यंगु खः । थुकिया निंतिं १२ डलर तूगु टिकट मीगु नं शुरु यायेत्यंगु दु । 'भिंतुना' आर्यम नकःमिया फिल्म खः ।