एशियाली नेतातय् नेपालय् मुँज्या
येँ / (सन्ध्या टाइम्स) राजनीतिइ चीधंगु गल्तीं नं तःधंगु परिस्थिति ब्वलने फइगु खँ प्रधानमन्त्री माधव नेपालं धयादीगु दु । थौं सुथय् एसियाली राजनीतिक पार्टीतय् सम्मेलनय् न्ववासें वय्कलं उगु खँ धयादीगु खः ।
आःया सरकारया मू ज्या इलय् हे संविधान दयेकेगु खः धासें वय्कलं थुकिया निंतिं फुक्कं राजनीतिक पार्टीत मिले जुयाः न्ह्याः वनेमाःगु खँय् बः बियादिल । इलय् संविधान दयेके मफुत धाःसा तःधंगु संकट वये फइगु खँ कनादिसें वय्कलं उकिया निंतिं राजनीतिक पार्टीत क्रियाशील जुइमाःगु बिचाः नं प्वंकादीगु दु ।
उगु ज्याझ्वलय् एसियाया थीथी देशं वयाच्वंपिं राजनीतिक पार्टीया प्रतिनिधितय्सं नेपालय् न्ह्यानाच्वंगु शान्ति प्रक्रियायात कयाः च्वछाःगु खः ।
