प्रचण्डया प्रस्तावय् वैद्य रुष्ट
येँ / (सन्ध्या टाइम्स) थन न्ह्यानाच्वंगु माओवादीया पोलिटब्यूरो बैठकय् अध्यक्ष पुष्पकमल दाहाल 'प्रचण्डं' न्ह्यब्वःगु राजनीतिक प्रस्तावय् वरिष्ठ नेता मोहन बैद्य किरण पक्षया सुझावयात नं दुथ्याकेगु तयारी जुयाच्वंगु खँ सीदुगु दु ।
अध्यक्ष प्रचण्डया प्रस्ताव पूमवं धासें बैद्य पक्षं असन्तुष्टि प्वंका वयाच्वंगु खःसा उकिया विरोधय् थःपिसं तयागु बिचाःयात अध्यक्षया प्रतिवेदनय् दुथ्याकेगु ज्या मजुल धाःसा थःपिंसं लिखित प्रस्ताव हे दर्ता यायेगु जुइ धकाः वैद्य पक्षं ख्याच्वः बियाच्वंगु खँ नं सीदुगु दु ।
आः अध्यक्षया प्रतिवेदनय् हे उगु सुझावयात नं दुथ्याकेगु सहमति जुइवं बैद्य पक्षं थःपिनि लिखित प्रस्ताव मतइगु जूगु खँ नं धाःगु दु ।
माओवादी पोलिटब्यूरो बैठक थौं नं न्ह्यानाच्वंगु दनि ।
