असारं बजेट हयेगु तयारी
येँ / (सन्ध्या टाइम्स) सरकार व माओवादी दथुइ ब्वलनाच्वंगु द्वन्द्वया कारणं हिउँदे अधिवेशन क्वचायेके मफयाच्वंगु इलय् अर्थ मन्त्रालयया पदाधिकारीत धाःसा बजेट दयेकेगु ज्याय् लगे जुइधुंकूगु दु ।
अर्थ सचिव रामेश्वर खनालया कथं थ्वहे वइगु असार मसान्त तकया दुने बजेट पेश यायेगु निंतिं तयारी जुयाच्वंगु दु । खनालया कथं देशय् राजनीतिक विवाद जुयाच्वंसां नं बजेट दयेकेगु ज्याय् धाःसा लिच्वः लानाच्वंगु मदु ।
थुगुसीया बजेट न्हापा माओवादीया नेतृत्वय् दुगु सरकारं हःगु बजेट स्वयां नं तःधं जुइगु खँ नं अर्थ सचिव खनालं कनादीगु दु । न्हापा माओवादी नेतृ- त्वया सरकारं २ अर्ब ३६ अर्बया बजेट हःगु खःसा उगु इलय् माओवादी बाहेकया दलतय्सं बजेट धाने याये फइ मखु धासें आलोचना याःगु खः ।
उखे सम्बन्ध विज्ञतय्सं धाःसा बजेट अप्व- येकेवं समस्या समाधान मजुइगु खँ धाःगु दु । विज्ञतय् कथं न्हापाया बजेटय् हे १७ अर्ब सिबें अप्वः दां खर्च याये मफयाच्वंगु इलय् हाकनं बजे- टया आकार अप्वयेकेगुया अर्थ मदु धयाच्वंगु दु ।
