झण्डै ३ खर्बया बजेट हयेगु तयारी
येँ / (सन्ध्या टाइम्स) एमालेया नेतृत्वय् दुगु सरकारं थुगु आर्थिक दँया वजेट हयेगु तयारी याःगु दु । वजेट पेश यायेगु निंतिं अर्थमन्त्री सुरेन्द्र पाण्डें एमालेया सभासदत नापं सहलह ब्याकादीगु दु । सहलहया झ्वलय् अर्थमन्त्री पाण्डें थुगु आर्थिक दँया निंतिं २ खर्ब ७० अर्बया वजेट हयेगु निंतिं तयारी जुयाच्वंगु जानकारी बियादीगु दु ।
उगु इलय् नेकपा एमालेया सभासदतय्सं तत्कालिन एमालेया ९ महिने शासनकालय् हःगु ९ ुसुयात नं निरन्तरता बीत सुझाव बिउगु खः । तत्कालिन एमालेया अध्यक्ष मनमोहन अधिकारीया नेतृत्वय् दुगु सरकारं हःगु ९ 'स' अभियान तसकं लोकंह्वाःगु खः ।
लिसें सभासदतय्सं पुलांगु स्थितियात अध्ययन व अनुभव यानाः जक न्ह्याः वनेत नं अर्थमन्त्री पाण्डेयात सुझाव बिउगु खः । लिसे वइगु वजेटय् वृद्ध भत्तायात यथावत हे तयेत नापं सीमा व्यवस्थापन मस्त व वेरोजगारतय्गु निंतिं नं अलग हे प्याकेज हयेत नं सुझाव बिउगु दु ।
