युवक बौद्ध मण्डलपाखें न्वचू कला प्रशिक्षण
येँ / (सन्ध्या टाइम्स) ल्याय्म्ह वर्गया सशक्तिकरण व ब्यक्तित्व विकास यायेत बौद्ध युवा कमिटी लुँहितिया ग्वासालय् वंगु शनिवाः वक्तत्वकला प्रशिक्षण जुल ।
'झीसं झीगु निंतिं न्वमवाःसा सुनां न्ववाइ' धइगु विषयस जूगु प्रशिक्षणया उलेज्या यल सभासद् रामकाजी महर्जनं यानादीगु खः । प्रा. बज्रराज शाक्य भिक्षु कोन्डण्य नेपाल बार एसोशियसन यल जिल्लाया सचिव प्रकाश महर्जनिपंसं प्रशिक्षण बियादीगु खः ।
असार १३ गते तक न्ह्याइगु प्रशिक्षण बौद्धिक उपकमिटीया ग्वसालय् जूगु खः । प्रशिक्षणय् बुद्धया ब्यावहारिक व बैज्ञानिक शिक्षा ल्याय्म्ह वर्गया सशक्तिकरणया उपायत सकारात्मक सोचाईया उपायत नं स्यनीगु जूगु दु । कमिटीया अध्यक्ष रविन्द्र शाक्यया सभापतित्वय् जूगु खः ।
