नेपालय् नं चाल चिनियाँ अस्पताल
येँ / (सन्ध्या टाइम्स) नेपालय् दंक उच्चस्तरीय स्वास्थ्य सेवा बीगु ताः तयाः चीनं नेपालय् नं छगू निजी अस्पताल चायेकूगु दु । येँया न्हूगु वानेश्वरय् चायेकूगु 'चाइना नेपाल बोडा अस्पताल' नांगु उगु निजी अस्पतालय् ५० बेड दु । थुगु अस्प-तालय् चीनयापिं हे विशेषज्ञत वःसां मेपिं डाक्टरत धाःसा नेपाःयापिं हे खः ।
थन ओपीडीया परीक्षण शुल्क ५० तका १५० तका व २४० तका निर्धारण यानातःगु दु । लिसें मेमेगु उपचार खर्च नं मेथाय् स्वयां दंक यायेगु उद्देश्य दुगु खँ अस्पताल संचालन समितिया मानार्थ अध्यक्ष डा। मनोजमान श्रेष्ठं 'सन्ध्या टाइम्स' यात कनादिल । वय्कलं कनादी कथं अस्पतालया मेडिकल डाइरेक्टर डा. अजय प्रधान खः ।
थन आधुनिक पद्धितं थीथी ल्वय्या उपचार याइसा उकिया नाप नापं चिनियाँ पद्धितं नं वासः यायेगु व्यवस्था दुगु खँ नं वय्कलं कनादिल ।
थ्व अस्पतालय् चीनपाखें ८ करोड तका लगानी जूगु दु । नेपाःया स्वास्थ्य ख्यलय् चीनया निजी क्षेत्रं याःगु थ्व न्हापांगु लगानी खः ।
