फोरम व तमलोपां मन्त्रीतय् नां सिफारिस

मधेशवादी दलत मधेशी जनअधिकार फोरम व तराई-मधेश लोकतान्त्रिक पार्टीं सरकारय् वनीपिंनि नेतातय्गु नां ढल प्रधानमन्त्री माधवकुमार नेपालयात थाय् छ्वःगु दु ।

फोरमं पार्टी दुनेया विवादया कारणं थौं निम्ह जक मन्त्रीतय् नां सिफारिस याःगु दु । प्यम्ह मन्त्री, स्वंम्ह राज्यमन्त्री व छम्ह सहायक मन्त्री ल्हातये लाःगु फोरम पाखें उपप्रधानमन्त्री विजयकुमार गच्छदार छम्ह जक सरकारय् दु । थौं फोरमं नेता शरदिसंह भण्डारीयात पर्यटन तथा नागरिक उड्ययन मन्त्रालयय् व मृगेन्द्रकुमार सिंहयात कृषि मन्त्रालयय् सिफारिस याःगु दु ।

अथेहे तमलोपां महेन्द्र रायया नेतृत्वय् स्वम्हेसिया नां सिफारिस याःगु दु । तमलोपां राय नापं राज्यमन्त्रीलय् गोविन्द चौधरी व सुमित्रादेवि यादवया नां सिफारिस याःगु दु ।