संविधान निमाण यायेत मन्त्रीत व सभासद्त क्रियाशिलः प्रम
प्रधानमन्त्री माधवकुमार नेपालं संविधान निर्माण यायेगु ज्याय् मन्त्रीत व सभासद्त क्रियाशिल दुगु खँ धयादीगु दु ।
ईन्टरनेशनल कन्फेरेन्स अफ एशियन पोलिटिकल पार्टीज (आईक्यापं) येँय् याःगु संविधान निर्माण सम्बन्धी सम्मेलनया उल्लेज्या यानादिसें प्रधानमन्त्री नेपालं शान्ति प्रकृया व संविधान निर्माण यायेगु ज्या पाखें सरकार विचल्लित मजूइगु खँ धयादिल । वयेकलं सरकार थुकी इमान्दारीताया साथ ज्या यानाच्वंगुलिं सुनां नं शंका मयायेत इनाप यानादिल ।
प्रधानमन्त्री नेपालं शान्ति प्रकृयायात निष्कर्षय् थ्यंकेत व संविधान निर्माण ईलय् हे यायेत राजनीतिक दलतनाप सहकार्य यानाः न्ह्या वनेगु धासें वयेकलं दक्व पक्ष नाप सहकार्य यायते थः तयार दुगु धयादिल । वयेकलं नेपाःया शान्ति प्रकृयायात ग्वहालि यायेत देय् दुने व पिनेच्वंगु राजनीतिक दलनाप इनाप यानादिल ।
प्यन्हु तक न्ह्याइगु सम्मेलनय् नेपाः नापं पाकिस्तान, फिलिपिन्स व दक्षिण कोरियाया विज्ञतय्सं ब्वति कयाच्वंगु दु । सम्मेलनय् संविधानसभाया थीथी समितिया सभापतित व थीथी राजनीतिक दलत नाप सहलह याइगु ज्याझ्वः दु ।
