गल्ती याःपिनि लाइसेन्स खारेज
येँ / (सन्ध्या टाइम्स) ट्राफिक नियम उल्लंघन याईपंत आः ट्राफिक प्रहरीं लाइसेन्स हे खारेज यायेगु तकया कारवाही यायेत्यंगु दु । थुकिया निंतिं २२ म्हेसिया नां यातायात व्यवस्था विभागय् छ्वयेत्यंगु दु । न्याक्वः तक गम्भीर कथंया दुर्घटना याःपिनि लाइसेन्स खारेज यायेगु खँ महानगरीय ट्राफिक प्रहरीं धाःगु दु । ट्राफिक नियम उल्लंघन याईपं आपाः धयाथें सार्वजनिक गाडीया चालकत खः ।
