जातीय खँय् माओवादीइ नं विवाद
येँ / (सन्ध्या टाइम्स) नेपाःयात संघीय स्वरुपय् यंकेगु धकाः तयारी जुयाच्वंसां गज्याःगु स्वरुप धइगु खँय् माओवादी दुने नं थीथी मत पिहां वःगु दु । सूत्रतय्सं बिउगु जानकारी कथं अन दुने नं जातीय स्वशासन बी मजिउ धाईपं खने दया वःगु दु । म्हिगः च्वंगु पोलिटब्युरो छुं दुजःतय्सं जातीय जक आधारय् स्वशासन बी मजिउ धइगु बिचाः तःगु खः ।
छुं दुजःतय्सं जातीय जक मखु राष्ट्रिय नेशन या लिधंसाय् स्वशासन बीमाः धायेवं अज्याःगु स्वशासन बीगु खःसा नेवाः व मैथिली निगू जक जातिं अज्याःगु स्वशासन काये फइगु खँ नं धाःगु खः ।
नेवाः व मैथिली बाहेकया जातितय्त जातीय आधारय् स्वशासन बिउसां पृष्ठभूमिया ल्याखं धायेगु खःसा नेवाःतय्त सेना मुद्रा व परराष्ट्र मामिला साचालनया हे समेत अधिकार बियाः स्वशासन बिउसां जिउ धइगु बिचाः नं छुं दुजःतय्सं प्वंकूगु खः ।
थ्व विषयय् दुजःतय्सं न्यंगु न्ह्यसःया लिसः थौं पार्टी अध्यक्ष प्रचण्डं बियादीसा वय्कःया लिसः लिपा थुकियात कयाः वयाच्वंगु विवाद व समस्या समाधान जुइगु आशा यानातःगु द । माओवादीया पोलिटब्युरो थौं नं च्वनेत्यंगु दु ।
