ब्यापारी आक्रमणय् नेवाः चिउताः
येँ / (सन्ध्या टाइम्स) बौद्धया जेमिनी डिपार्टमेन्टल स्टोरया थुवाः जगदिश मास्केयात अन हे ज्या याईपं माओवादी कार्यकर्तातय्सं ल्हाः वाःगु खँयात कयाः नेपाः राष्ट्रिय पार्टीं चिउताः प्वंकूगु दु ।
म्हीग नेपाः पार्टीया सभासद् बुद्ध साय्मि नापं न्वकु नरेशवीर शाक्य, प्रवक्ता किरण शाक्य व दुजः मनोज नेवाः खड्गीपिं अन वनाः पीडित मास्केयात नापलानाः थुकिया बारे खँल्हाबल्हा याःगु खः । माओवादी मजदूरतय्सं आक्रमण यानाः थुवाः विश्व प्रताप मास्केया छ्यों तछ्याःगु खःसा गुदँ दुम्ह मचायात तकं ल्हाः वाःगु खः ।
थुवाःपाखें थुकिया बारे किटानी जाहेरी बीधुंकाः नं प्रहरीं सुयातं मज्वंगु बारे नं नेपाः पाटीया दुजःत बौद्ध प्रहरीया एसपीयात नापलानाः थःपिनि सरोकार प्वंकूगु खः । पार्टीं माओवादीया थ्व ज्यापाखें स्वनिगःया आदि-वासी नेवाः व्यापारीतय् रोज-गारीइ हस्तक्षेप याःगु द्वपं बिउगु दु ।
