स्मृति स्तुप शिलान्यास क्वचाल
येँ / (सन्ध्या टाइम्स) भगवान बुद्धया जन्मस्थल लुम्बिनीइ जापानया बौद्ध संस्था एएइसीएन मित्र ओकासाकाया संस्थापक अध्यक्ष श्रद्धेय भन्ते नाकानिसेपाखें स्मृति स्तुप निर्माण ज्याया शिलान्यास यानादिल । उगु ज्याझ्वलय् श्रद्धेय भन्ते अश्वघोष महस्थविरया शाक्यमुनि बुद्ध विहारया समारोहय् राजकीय बुद्ध विहारया धर्मानुशासक भिक्ष्ा सागर धम्म लुम्बिनी विकास कोषया केन्द्रीय सचिव आचार्य भिक्षु कर्मा पुरातत्वविद बसन्त विहारी वर्मा थाइल्याण्ड चीन श्रीलंका आदि महायान बौद्ध विहारया भिक्षुपिं नापं धर्मोदय सभा लुम्बिनीया पदाधिकारी वर्ग व नेपाल बौद्ध परिषद्या सचिव व नेपाल फोस्टर मेदया संयोजक काजीरत्न शाक्य नापं आपालं स्थानीय बासिन्दापिनि उपस्थिति दुगु खः ।
ज्याझ्वलय् भिक्षु सागर धम्मं शिलान्यासया महत्व बारे थ्वाथुइक कनाबिज्याःगु खः । भिक्षु कर्माजुं स्तुपाया महत्व बारे नं अन कनाबिज्यात ।
समारोहय् लुम्बिनी धर्मोदयसभाया केन्द्रीय दुजः व नेपाल पोस्टर मेदया लुम्बिनी शाखा प्रमुख महेन्द्रमा श्रेष्ठया सभापतित्वय् जूगु खः । ८ लाख दामं निर्माण जूगु उगु स्तुप २०६६ सालया फागुनं क्वचायेकेगु ताः तयातःगु दु ।
