नरेश ताम्रकारया राजीनामा

येँ / (सन्ध्या टाइम्स) नेवाः देय् दबूया नायः नरेश ताम्रकारं थःगु हे पहलं नीस्वंगु भोजपुरया टक्सार सेवा समितिया नायः पदं राजीनामा बियादीगु दु । छम्ह व्यक्ति छगू हे जक संस्थाय् क्रियाशील जुइमाः धइगु बिचारं प्रेरित जुयाः वय्कलं उगु पदं राजीनामा बियादीगु खः । थः नेवाः देय् दबूया नायः निर्वाचित जूगुलिं आः निगू संस्थायात ई बी मफइगु जूगुलिं थ्व राजीनामा बियादीगु खः । छम्ह व्यक्ति छगू हे जक संस्थाय् च्वनाः क्रियाशील जूसा व्यक्ति व संस्था निगुलिंया उन्नति याये फइगु बिचाः वय्कलं प्वंकादीगु दु ।