प्रचण्डया प्रतिवेदन परिमार्जन यायेत सुझाव
एकीकृत नेकपा (माओवादी)या जारी पोलिटब्यूरो बैठकय् अध्यक्ष पुष्पकमल दाहाल 'प्रचण्ड'या प्रतिवेदन परिमार्जन यायेत नेतातय्सं सुझाव ब्यूगु दु ।
सोमवाः च्वंगु माओवादीया पोलिटब्यूरोया बैठकय् अध्यक्ष प्रचण्डया प्रतिवेदनय् टिप्पणी यायेगु झ्वलय् नेतात रामबहादुर थापा 'बादल' व टोपबहादुर राईमाझीं थंज्याःगु सुझाव ब्यूगु खः । नेता बादलं अध्यक्षया प्रतिवेदनय् नेतातय्सं ल्ह्वंगु न्ह्यसःत दथुयाकाः अन्तरविरोध समाधान यायेमाःगु बीचा प्वंकादिल । वयेकलं अन्तरविरोधयात न्हगू ढंगं समाधन यायेमाःगु धासें प्रतिवेदन परिमार्जन यायेमाःगु खँ धयादीगु खः । नेता बादलं अध्यक्षया प्रतिवेदनय् दुथ्याःगु सकारात्मक पक्षयात दुथ्याकाः नेतातय्सं ब्यूगु सुझाव नं समावेश यायेमाः धयादिल ।
अथेहे नेता टोपबहादुर राइमाझीं गुलिखें विषय्त महाधिवेशनया निंतिं जूगु धासेः आः उकीया बारे चर्चा यायेमज्यूगु धयादिल । अथेहे वयेकलं नं नेतातय् बीचाः दुथ्याकाः अध्यक्षया प्रतिवेदन परिमार्जन यायेत सुझाव बियादिल ।
संसद गतिरोध अन्त्य यायेगु निंतिं कांग्रेस व एमाले नाप वार्ता यायेमाःगुलिं थौंया बैठकय् निम्ह जक नेतातय्सं थःगु बीचाः प्वंका स्थगित जूगु खः । बैठक हाकनं कन्हय् च्वनीगु जूगु दु ।
