'राजनीतिक दलत दथुइ सहमति दयेकाः बजेट तर्जुमा यायेमा:'
अर्थविद व उद्योगी व्यवसायीतय्सं राजनीतिक दलत दथुइ सहमति दयेकाः बजेट तर्जुमा यायेगुलि बह ब्यूगु दु ।
थौं रिपोटर्स क्लबय् जूगु साक्षात्कारय् न्वंवानादिसें उमिसं बजेट न्ह्याथेंज्याःगु दयेकूसां नं सहमति बिना कार्यान्वयनय् समस्या वइगु जूगुलिं राजनीतिक दलत दथुइ सहमति दयेकाः बजेट तर्जुमा यायेगुलि बह ब्यूगु दु ।
अर्थविद डा. विश्वम्भर प्याकुरेलं बजेट दयेकेबलय् दीर्घकालीन समस्याया सम्बोधनयात ध्यान बिइमाःगु धयादीगु दु । अथेहे अर्थविद् डा. पुष्पराज राजकर्णिकारं बजेटं न्हापाया जनकल्याणकारी ज्याझ्वःयात प्राथमिकताय् तयेगु धयादिल ।
ज्याझ्वलय् अर्थसचिव रामेश्वर खनालं कार्यान्वयनमुखी बजेट वइगु दाबी यानादिल । वयेकलं न्हापाया कमी कमजोरी भिंकाः सकारात्मक पक्षयात निरन्तरता बिइगु धयादिल । खनालं बहुवर्षीय बजेट प्रणालीया अवधारणाया विकास यायेगु धासें म्होति नं स्वदँया अवधारणा दयेकाः न्ह्यब्वइगु योजनाय् सरकार दुगु धयादिल ।
