योगदान बचतपाखें अभिमुखीकरण तालिम
ख्वप (सन्ध्या टाइम्स) /योगदान बचत तथा ऋण सहकारी संस्था लिमिटेडया ग्वसालय् शिक्षा उपसमितिपाखें नियमित प्रशिक्षणया झ्वलय् बचत व ऋण विषयय् कार्यसमिति दुजः व थः कर्मचारीतय् निंतिं अभिमुखीकरण ज्याझ्वः जुल । उगु ज्याझ्वल् संस्थाया अध्यक्ष रामचन्द्र प्रजापति व उपाध्यक्ष लक्ष्मीप्याखरी बोहजूपिंसं प्रशिक्षण बियादीगु खः । प्रशिक्षणय् सहभागीतय्सं न्यंगु थीथी न्ह्यसःया लिसः नं वय्कःपिंसं बियादिल ।
