मस्तय्त आखः ब्वंकेगु तालिम
यें (सन्ध्या टाइम्स) / दी शाक्य फाउण्डेशनया ग्वसालय् मस्तय्त गय् यानाः न्ह्यइपुक आखः ब्वंकेगु धइगु तालिम बीगु ज्या न्ह्यात । फाउण्डेशनया मिसापिं जःपिंत थ्व तालिम बिउगु खः । झिन्हु तक न्ह्याइगु थ्व तालिम म्हिगः छगू ज्याझ्वःया दथुइ उलेज्या जुल ।
त्रिविविया सिरिडपाखें सम्बन्धन प्राप्त शुभ एजुकेशनल ट्रेनिंङ एण्ड रिसर्च सेन्टरपाखें प्रि-प्राइमरी टिचर्सतय्त बीगु 'ज्वाइफुल टिचर्स ट्रेनिंङ' शुरु याःगु खः । थुकी फाउण्डेशनया २३ म्ह मिसापिं जःतय्सं ब्वति कयाच्वंगु दु ।
ज्याझ्वः उलेज्या यासें फाउण्डेशनया नायः देवकाजी शाक्यं थ्व तालिम छेँय् छेँय् थः मस्तय्त स्यनेगु लागिं नं उपयोगी जूगु बिचाः प्वंकादिल ।
ज्याझ्वलय् छ्यांज्ये अमीरमान शाक्य व दांभरि राजकाजी शाक्यिपंसं नं तालिमया उपयोगिता बारे न्ववानादीगु खः । तालिमया संयोजन लिउदांभरि माधुरी शाक्यं यानादीगु खः ।
