निगमयात जहाजया मीगु प्रस्ताव
यें (सन्ध्या टाइम्स) / नेपाल वायु सेवा निगमं न्यायेत्यंगु जहाजया निंतिं अमेरिकाया बोइङ व यूरोपया एअरबस कम्पनीं प्रस्ताव छ्वयाहःगु दु । निगुलिं कम्पनीं छ्वयाहःगु प्रस्तावय् जहाजया भाः झण्डै छगू हे जूगु खँ स्रोतं जानकारी बिउगु दु ।
स्रोतया कथं 'न्यारो बडी'या जहाजया निंतिं बोइङं ४ करोड ५० लाख डलरया प्रस्ताव याःगु दुसा एअर बस कम्पनीं नं उकथंया मूया प्रस्ताव याःगु दु । बोइङं 'वाइड बडी'या जहाजया निंतिं ९ करोड ५० लाख डलरया प्रस्ताव याःगु दु ।
