हत्याया विरोधय् कालिमाटीइ प्रर्दशन

थःगु हे कलेजय् झिंनिगू तिगंमय् ब्वनिम्ह ख्याति श्रेष्ठया अपहरण लिपाः हत्या याःगु विरोधय् जुबिलियन कलेजया विद्यार्थीत व छेँजःपिंसं सतकय् वयाः विरोध याःगु दु ।

स्ववाः न्ह्यः येँ अपहरण जुम्ह श्रेष्ठया सीम्ह आइतवाः लुइवं विद्यार्थीतय्सं श्रेष्ठया हत्यारायात कारवाहीया माग यासें कालिमाटीइ प्रदर्शन याःगु ख: । विद्यार्थीतय्सं सतकय् टायर च्याकाः सतक बन्द याकूगु दुसाः प्रर्दशनया कारणं अन सवारी आवगमन प्रभावित जूगु ख: । प्रर्दशनया कारणं कालिमाटी, सोल्टी मोड व टेकू क्षेत्र बन्द जूगु ख: ।

श्रेष्ठया सीम्ह आइतवाः यलया सैंबुलय् छेदबिछेद अवस्थाय् लूगु खः । श्रेष्ठयात झिंन्ह्यन्हु न्ह्यः येँया पुतलीसतकं अपहरण याःगु खः ।