सरकार व पिछडा वर्ग दथुइ प्यंगु बुँदे सहमित

सरकार व पिछडा वर्ग महासंघ दथुइ प्यंगु बुँदे सहमति जूगु दु । सहमति नापं महासंघं यानाच्वंगु दक्वः आन्दोलनया ज्याझ्वः लित काःगु दु ।

आइतवाः न्हिनय् शान्ति मन्त्रालयलय् जूगु वार्ताय् न्हापाया सरकार व महासंघ दथुइ पिछडा वर्ग प्रतिष्ठान गठन यायेगु निर्णय जू कथं लच्छिया दुन अज्यःगु समिति गठन यानाः पूर्णता बीगु व ज्या न्ह्याकेगु सहमति जूगु दु । अथेहे महासंघं याःगु आन्दोलनया झ्वलय् ज्वना यंकातःपिं व मुद्दा चलेयानात:पिं महासंघया कार्यकर्तातय्त छानबिन यानाः त्वतेगु सहमति जूगु दु । नापं आन्दोलनया झ्वलय् घाःपाः जूपिंत सरकारं वासः याकेगु सहमति नं जूगु खः ।

अथेहे पिछडा महासंघं आन्दोलनया ज्याझ्वः दक्वं लितः कायेगु सहमति नं जूगु खः ।

पिछडा वर्ग महासंघं न्हापाया सरकार नाप जूगु न्यागू बुँदे सम्झौता कार्यान्वयन यायेमाःगु, आरक्षणया व्यवस्थालगायत माथ तयाः महासंघं छुंन्ह्यः निसें तराई बन्द यानावयाच्वंगु खः । सरकारनाप शनिवाः जूगु वार्ता धासाः बिना निष्कर्ष क्वचाःगु खः ।