तराई बन्द यानाच्वंपिं पिछडा वर्गलिसे वार्ता
येँ / (सन्ध्या टाइम्स) वंगु न्यान्हु न्ह्यवंनिसें तराई लागाय् आन्दोलन याना वयाच्वंगु पीछडा वर्ग महासंघ व सरकारया दथुइ थौं हाकनं वार्ता जुइत्यंगु दु । म्हिगः जूगु वार्ताय् मन्त्रीतय्सं प्रधानमन्त्रीलिसे सहलह मयायेकं थःपिंसं छुं नं निर्णय याये मफइगु धायेवं म्हिगःया वार्ता बिना निष्कर्ष क्वचाःगु खः । म्हिगः वार्ता ताःमलायेवं थौं नं तराई थीथी जिल्ला बन्द जुयाच्वंगु दु । तराई लागाय् लगातार बन्द जुयाच्वंगुलिं उगु लागाय् आः खाद्यान्न नं अभाव जुइधुंकूगु दुसा मेखे बेसाःभाः नं थहां वंगु दु । बन्दया कारणं बारा पसा्र सप्तरी सिराह सर्लाही सुनसरी मोरङ थौं नं प्रभावित जुयाच्वंगु दु ।
