फुकसितं मिले यानाः यंकेत निर्देशन
येँ / (सन्ध्या टाइम्स) नेपाली कांग्रेसया सभापति गिरिजाप्रसाद कोइरालां संसदीय दलया नेताय् निर्वाचित जुयादीम्ह नेता रामचन्द्र पौडेलयात फुकसितं मिले यानाः यंकेत निर्देशन बियादीगु दु ।
संसदीय दलया नेताय् निर्वाचित जुइधुंकाः सभापति कोइरालायात नापलायेत वंम्ह पौडेलयात कोइरालां उगु निर्देशन बियादीगु खः ।
सभापितं कोइरालां प्रजातन्त्रय् सुं नं त्याः बू मजुइगु खँ धासें संसदीय दलया निर्वाचनय् पराजित जूपिंत नं मिले यानाः न्ह्याः वनेत निर्देशन बियादीगु खः । उगु इलय् पौडेलं थम्हं थौं हे पराजित उम्मेदवार शेरबहादुर देउवालिसे सहलह यायेगु खँ कोइरालायात कनादीगु खः ।
