पीदँया दुने झिंगुम्ह मस्त

इजरायल (एजेन्सी) / इजरायलया रेहोवोत शहरया छम्ह पीदँ दुम्ह मिसां झिंच्याम्ह मचा बुइकेधुंकूगु दुसा वंगु छुं न्हि न्ह्यः जक हाकनं छम्ह मचा बुइकूगु दु । उम्ह मिसाया विवाह जूगु २१ दँया दुने झिंच्याम्ह मस्त दयेधुंकूगु खः ।

समाचार एजेन्सीया कथं विवाह जुइधुंकाः दँय्दसं धइगु उम्ह मिसां झिंप्यदँ तक लगातार गर्भवती अवस्थाय् ई बिकूगु खः । मिसाया झिंच्याम्ह मस्त मध्ये झिंनिम्ह ला म्ह्याय् जक दु । उम्ह मिसां वंगु बुधवाः जक छम्ह काय बुइकूगु खः । थ्व नापं यानाः वया झिंगुम्ह मस्त दु ।

झिंगुम्ह सन्तान दयेधुंकाः छितः छुं लिच्वः ला मलाःला धइगु पत्रकारतय्सं न्यंगु न्ह्यसःया लिसः बिसें थःत मस्त तसकं यःगु धासें थःगु छुं हे कथंया बामलाःगु लिच्वः मलाःगु खँ नं उम्ह मिसां धाःगु दु । उम्ह मिसा लगातार २१ दँ निसें छगू हे अस्पतालय् मचा बुइका वयाच्वंगु दु ।