रथि खड्का पाखें अवकास
नेपाली सेनाया रथि कुलबहादुर खड्कां औपचारिक रुपं बिदा कयादीगु दु । एकीकृत नेकपा (माओवादी) नेतृत्वया सरकारं प्रधानसेनापति रुक्मांग कटवालयात बर्खास्त यानाः नेपाली सेनाया कायम मुकायम प्रधान सेनापति देयेकेवं विवादय् लानादिम्ह बलाध्यक्ष रथी खड्कां शुक्रवाः सेनापाखें औपचारिक रुपं बिदा कयादीगु खः ।
सैनिक सचिव विभाग पाखें पौ वयेवं रथि खड्कां थःगु स्वीगुदँया सेवा पाखें बिदा कयादीगु खः । प्रधानसेनापति कटवालं सेनाया गोप्यता भंग याःगु धासेः कारवाहीया तयारी यानाच्वंगु खसां नं सरकारं कारवाही मयासें अवकास बीगु निर्णय याःगु खः ।
वंगु वैशाष २०गते पुष्पकमल दाहाल 'प्रचण्ड' नेतृत्वया सरकारं प्रधानसेनापति कटवालयात बर्खास्त यानाः रथि खड्कायात कामु सेनापति नियुक्त याःगु खसां राष्ट्रपति डा. रामवरण यादवं सेनापति कटवालयात पदय् च्वनाच्वनेत निर्देशन बीवं कामु सेनापतिया जिम्मेवारी दुसां रथि खड्कां पदबहाली धासाः यायेमफुत ।
