चितवनय् यातायात बन्द
येँ / (सन्ध्या टाइम्स) चितवनया भरतपुरय् दयेकूगु केन्द्रीय बस टर्मिनलया संचालन थःपिंसं याये दयेमाः धइगु माग यासें नेपाल राष्ट्रिय यातायात व्यवसायी महासंघं थिनंनिसें चितवनय् अनिश्चिकालीन यातायात बन्द याःगु दु ।
थ्व बन्दं यानाः चितवनय् यातायात ठप्प जूगु दुसा चितवन जुयाः देय्या थीथी थासय् वनीगु यातायात नं प्रभावित जूगु दु ।
भरतपुर नगरपालिकां बस टर्मिनल संचालनया निंतिं टेन्डर आह्वान याःगु खःसा व्यवसायीतय्सं उगु टेन्डर नं खारेज यायेत माग याःगु दु ।
थःपिनि मागयात यदि वेवास्ता यात धाःसा चितवन जक मखु अनिश्चितकालया निंतिं नारायणी अञ्चल हे बन्द यायेगु ख्याच्वः नं व्यवसायीतय्सं बिउगु दु ।
