मैनमत दयेकेगु छवाःयंकं तालिम
येँ / (सन्ध्या टाइम्स) युवा क्रियाकलाप समाज व सीप विकास तालिम निर्देशनालयया मंकाः ग्वसालय् ख्वपय् छवाःयंकंया मैनमत दयेकेगु तालिम बीगु ज्या न्ह्यात ।
ज्याझ्वःया उलेज्या गैर सरकारी संस्था महासंघया ख्वप जिल्ला अध्यक्ष दुर्गामोहन श्रेष्ठं यानादीगु खः । प्रशिक्षिका रमणीयदेवी कर्माचार्यं नं न्ववानादीगु उगु ज्याझ्वलय् ज्याझ्वः संयोजक व समाजया सचिव राधेश्याम दुवालं समाजं यानाच्वंगु थीथी कि्रयाकलापयात कयाः अन जानकारी बियादीगु खः । पशुपतिमान थकुं लसकुस यासें तालिमया उलेज्या जूगु खः ।
मैनमत दयेकेगु उगु तालिमय् झिंन्याम्ह मिस्तय्सं ब्वति कयाच्वंगु दु । तालिमं उमिगु आर्थिक अवस्थाय् हिउपाः वइगु आशा यानातःगु दु ।
